BRX

1   Kutani mhaka ya lisima ku lesvi hisvihlayiki hi leyi: Hi ni muprista lwenkulu lwewanga hi lweyi, lweyi atsrhamiki axineneni xa xiluvelo xa Nkulukumba Nkulukumba amatilweni,

2   mutizreli wa mbangu wa kuxwenga ni wa tende dzra xihlayelamfuzri, ledzringadzimiwa hi Yehovha, kunge vhanu.

3   Hikusa mani na mani lwanga muprista lwenkulu abekeliwa kuhumexa magandzrelo ni svitlhavelo. Xilesvo, afa kujuleka lesvaku lweyi na yene ava ni xa kuxihumexa.

4   Loko kunene afa ali la misaveni, anha angativa muprista, hikuva kutani ku ni vhanu lavahumexaka magandzrelo hi kuya hi Nawu,

5   lavahambaka ntizro wa kuxwenga svanga xifaniso ni ntsrhuti wa sva le tilweni, xilesvi Moxe angaleletisiwa xisvone ha Xikwembu Nkulukumba, loko ali kusuhi ni kuhamba tende. Hikusa ati: “Lavisa, yenca hinkwasvu hi kulandzra xifaniso lexi ukombiwiki xone anhaveni.”

6   Kambe svosvi Yesu akumi vutizreli lebza lisima hi kutlulisa hikusa atlhela ava mutlhanganisi wa xipfumelelanu lexa kuyampsa kutlula lexa kusungula, lexisunguliki kutizra na xitiseketeli asvidumbisweni lesviyampsaka.

7   Loko xipfumelelanu lexa kusungula afa xinge na xisolo, inha kungahajulekanga lexa vubizri.

8   Hikusa loko avasola, ali: “‘Lavisani! Mata masiku’, kuhlaya Yehovha, ‘lawa ndzritakahamba xipfumelelanu leximpsha ni yindlu ya Yisrayele ni yindlu ya Yuda.

9   Xingatifana ni xipfumelelanu lexi ndzrixihambiki ni vatatana vavu asikwini ledzri ndzringavakhoma hi voko ndzrivahumexa atikweni dzra Gibita, hikusa avatsrhamanga ku xipfumelelanu xanga, kutani ndzrivatsrhikisi xisvosvo’, kuhlaya Yehovha.

10   “‘Hikusa xipfumelelanu lexi ndzritakaxihamba ni yindlu ya Yisrayele antsrhaku ka masiku lawo hi lexi’, kuhlaya Yehovha. ‘Ndzritabeka milawu yanga amiyanakanywini yavu, ndzritlhela ndzrimitsrala atimbilwini tavu. Ndzritava Xikwembu Nkulukumba wavu, kutani vone vatava tiko dzranga.

11   “‘Nakone mhunu angaka angahadondzrisi muyakelani kumbe makwavu amakazri kwavu, aku: “Tiva Yehovha!” Hikusa hinkwavu vatandzritiva, kusukela ku lwentsrongo kuyatlhasa ku lwenkulu wa vone.

12   Hikusa ndzritavatsretsrelela sviyenco svavu sva kubiha, nakone ndzringaka ndzringahatlheli ndzridzrimuka svidoho svavu.’”

13   Loko aku “leximpsha”, akomba lesvaku lexa kusungula xiheleliwi hi nkama. Kutani lexingaheleliwa hi nkama xigugile nakone xi kusuhi ni kunyamalala.