BRX

1   Kutani loko kuheli Savata, Mariya Madalena, na Mariya lwewa mamana wa Yakobe, na Salomeya vaxava mizri ya kunun’hwela akuva vatayamuchela.

2   Kutani, vavindzrukela svinene hi siku dzra kusungula dzra vhiki, vatlhasa axizreni na dambu dzrihumile.

3   Kambe afa vavutisana, vaku: “I mani lwatakahisusumetela zribze anyangweni ya xizra?”

4   Kambe vati valangusa, vovona lesvaku zribze afa dzrisusiwile, nakuve afa dzrili dzrikulu ngopfu.

5   Kutani loko vanhingena axizreni, vavona lesvaku kutsrhami jaha dzra kukazri axineneni, na dzriyambali mpahla ya ntlhohe; vatala hi kuchava.

6   Kambe jaha dzriku ku vone: “N’wingachaveni. N’wijuletela Yesu, munazareta, lwagongondzreliwiki amhandzreni. Apfukile. Anga kone la. Buyani n’wivona lomu afaka vamubeki kone.

7   Kambe fambani n’wiyabzela vadondzrisiwa vakwe, na Petrosi, n’wiku: ‘Apfa azranga ayan’wiyimela le Galileya. N’witayamuvona kwahala, svanga hesvi angan’wibzela.’”

8   Kutani vahuma axizreni, vasuka hi kutsrutsruma, na vazruzrumela mfuzri na vahlamala nchumu ntse. Nakone avabzelanga mhunu nchumu, hikusa afa vatali hi kuchava.