BRX

1   Nakunene, kuhlayiwa lesvaku ku ni vugangu amakazri kwenu, vugangu bza kuva nambi ku vhanu va matiko abzi kone, lakakuva mhunu ateka ni nsati wa tatana wakwe.

2   Kambe n’wine n’wipatsra ni kutikukumuxa, amatsrhan’wini ya kudzrila. Hikusa mhunu lwayenciki nchumu lowo inhaka asusiwa amakazri kwenu!

3   Mine, nambilesvi ndzringeke kone amakazri kwenu hi tlhelo dzra nyama, ndzri kone hi tlhelo dzra moya, nakone mhunu lwayenciki lesvo ndzrimuyavanyisi khale, ingiki hi loko ndzrova na n’wine,

4   lesvaku, loko n’witlhanganile hi vito dzra Hosi yezru Yesu, na mine hi tlhelo dzra moya, ni hi ntamu wa Hosi yezru Yesu,

5   n’winyiketa mhunu lweyo ku Sathana, akuva kuhelisiwa nyama, ni kuva moya wuhuluka hi siku dzra Hosi.

6   Lesvi n’witibumaka ha svone ahi svinene. N’woka n’wingasvitivi lesvaku handzrelo dzritsrongo dzrikukumukisa tizriku hinkwadzru ledzripfuviwiki?

7   Susani handzrelo ledzra khale akuva n’wiva tizriku ledzrimpsha dzra kupfuviwa, tanihi lesvi n’wikaka n’wingacheliwanga handzrelo. Hikuva na yene Kriste, hamba yezru ya Paxkwa, kuhambiwi gandzrelo ha yene.

8   Xilesvo, ahideneni nkhuvu lowu, na hinge na handzrelo ledzra khale, kumbe handzrelo dzra vubihi ni vusomboloki, kambe hi kati ledzringeke na handzrelo, dzra kubasa ka mbilu ni dzra xihlayelamfuzri.

9   Ku papela ledzri ndzringan’witsralela, ndzriti n’wingahahanyisaneni ni vhanu va vugangu,

10   na ndzringahlayi hi kuhelela vhanu va vugangu va misava leyi kumbe vhanu va makwanga, kumbe vawutli, kumbe vagandzreli va svithombe. Hikusa afa svitajula n’wiyenca hi kusuka ku misava leyi.

11   Kambe svosvi ndzrin’witsralela lesvaku n’wingahahanyisaneni na mani na mani lwavitaniwaka “makwezru”, na kasi i mhunu wa vugangu kumbe mhunu wa makwanga, kumbe mugandzreli wa svithombe, kumbe muzruketeli, kumbe mpopsi, kumbe muwutli. Ni kuda n’wingadeneni naye mhunu lweyo.

12   Hikuva, ndzrinhingena kwini mine akuyavanyisiweni ka lavanga handle? Kasi ahi n’wine n’wiyavanyisaka lavanga ndzreni kee?

13   Kambe lavanga handle, Xikwembu Nkulukumba hi yene avayavanyisaka. Susani lwe wa kubiha amakazri kwenu.